ؑخالقی شزدے نظر پو شاہ علی موسی رضا
بیسپہ چیکتوی راہبر پو شاہ علی موسی رضا
دوگسے ساسنینگ پوینگ دیژے ندژہد درونگ تھوق کن دودید
یو دپہ نا دینگ گل شکر پو شاہ علی موسی رضا
خطہ بجی اصلاح بیاکھن پو کھو حواس خمسہ لا
سنینی سی بیا ژوخ اثر پو شاہ علی موسی رضا
لم ستورے تخت شعائینگ یود پونی شربی نیما
کھوے غبیلی کھا گوے قمر پو شاہ علی موسی رضا
نا لہ زیر چوکسید ہلٹانویکھا یانگ لا موسائی عصا
چھقسے نی عقلی کمر پو شاہ علی موسی رضا
سیکھا می نیس یود نسی چکپوا امام مین ما ملوس
زیرے سا منفی خبر پو شاہ علی موسی رضا
ہلژخمہ رگو ژہنگ تسعی آیو ژوخ ببا موسی ئیکھا
معجزی بے حد و مر ز پو شاہ علی موسی رضا
خلونگ پو مید پہ مید نی کھوقپینگ نس ژے از قلب سلیم
ہسکے نی میزانی سکر پو شاہ علی موسی رضا
کھوق کھولی ہرمغی سکورے نی سنینگ پو لہ کھر زگق بیاسید
چنگ مگوانا سترونگمی کھر پو شاہ علی موسی رضا
نی دی ردوسنینگ پو نہ مک چھو زومسینہ چھو ردوا بیاسید
کھوے عودیکھا نی میمر پو شاہ علی موسی رضا
سو عبادت ہلتنمہ چھونگسید سو نوریکھا یود غبوسے
نا شگرگو چگچی نر پو شاہ علی موسی رضا
چامتھون اعلاء علیینی کھا سا نا فورے
ؑسونگ نرے عباس لا پر پو شاہ علی موسی رضا
