پروانہ سونگسے لے ستروق طوسی یولینگ نو گو ان
ہلژخمہ خوجی دے عود پوے تھوقنہ کھورین چی جو ان
ژہکنہ خوجی ولائینگ کھیانگ لہ فخر پو یو ان
یود نارے سو محب چی موسی رضائی فیقپوے
جورچی چہ یود دے میولہ محشری سترقپی جقپوے
لقپا کھریلے بہشتینگ کھیر کھنپو یا خوجو ان
سونگسے جدا وطن نا لاچار سونگسے یود پونگ
فیوخنہ فڑی رگہ کھن نا ہرنین دوننہ بیسپی بیسپونگ
لزوقسے یولینگ نو کھیونگ کھن بیسپونگ چوغی گوپو ان
سنگ بیگ خسمید نہ سولا پغزی سو سوے مزرپو
آسان بیک خسمید نا عقبائی دے سفر پو
موسی رضائی فیقپوے غربت پو خسمسے نو ان
نیسچن یری محب کن جقسینہ یاری فقرینگ
بیوس یانی خچسپہ رگیلفو بنچد بلا نہ تھقرینگ
یانی قبول بیسنہ نی مدعا پو یو ان
نا نزگغید خدا لہ حاجت نئی روا بیوس
دور زمانی غم نا فکرینگ نہ نا رہا بیوس
سنینگ چھقسے یانگ لہ ناسی بیسپی جوفول پو کو ان
نزگق نبی و زہرا یانگ شاہ لا فتی لا
نزگق نا مجتبی نہ مظلوم نینوا لا
شزدے نظر چی مولا یانی نئیکھ بیو ان
نزگق اے ہلژخمہ بگید پوا لجید پو نئی یانی تھیوق
دنیائی گرخمو ژہو نہ عقبا پووینگ سنہ نے جوق
گا وخ چوغینگ نو مولا یانی نیالہ ہلتو ان
شبیر نہ اہل بیتی ژہن پوے فیلا وداعی
یومید پہ مید تمنا سنینگ پوینگ نو چنگ شجاعی
یاری ضریح اقدس مکپولہ تھونگسے شیو ان
