نا ستودکھا چہ بیک شوقبوبجی پوینگ ستودکھا بیاسے یود یا موسی کاظمؑ
نا رگوچہ عجب یانگ لہ خدا کھوانی رگسے یود یا موسی کاظمؑ
یانگ نور خدائیکھا چہدے لدنفی دلیل پو نونسید نیما ژوخپو
نور حغیکھا کفری دے ظلمت پو بدہ سے یود یا موسی کاظمؑ
ہلتون زیرے خدا بڑانگفی میژھونگ سونگ ستورے تھل چہد نور حغی ستراقسے
موسی نہ خدا سونگسے لقا یانگ لہ ہلتسے یود یا موسی کاظمؑ
نبوتی ژھرینگ بیونگفی دے مرسل نہ نبیونی سننی کھبو رنگ رنگ
یری ہلژخمہ اسم پو زیرے فو بیانہ یسے یود یا موسی کاظمؑ
تھوسلوکھسی مثالینگنو ربلوکھ ہلتنس نرے سو خنم خنمنہ سہ فرق گوید
تہیمبینگ نو یری عرش علاء ببسے ہرمسے یود یا موسی کاظمؑ
اخلاصی چھومک فیونگسے نہ گنگسید چھوسی رگیم ژھو اعمالی جواہر
اعجازی ہرپسینگ چھوسمینی چھو سمین پو رسے یود یا موسی کاظمؑ
ایمانی بزانی خنم کھوریکہ زبنگسے نہ اسلام دودچوکسے لوتھوق پو
خش لوکھسی نیمی ترود بورے سمین چوکسے ہرنسے یود یا موسی کاظمؑ
لے مشکلی گڈ کھڑولبی خوجا تونگو نی بیونگسا فیونگ نی سنینی تونگو
بیونگمو نی سنینی تونگو نہ گڈ کھڑولبو ہرکسے یود یا موسی کاظمؑ
نزگقسے جوفل بید دے ہلچغی زوسفی سمکھونگنہ بیوس یانسی مرہم
نیسپی ندی دو زوکسے نلہ سنینگ لہ ژھسے یود یا موسی کاظمؑ
نا بڑانگفو چہ تہیب قرض الحسن کڑلبی ستغو ان بوسمید چوغی برانگسہ
شزدیونگلا یری قدسیونی سا غدینگسے ریسے یود یا موسی کاظمؑ
