تروگی حجت امام دوسرا ان جعفر صادقؑ
نبی ژہوخچس چہوسی شربی نیما ان جعفر صادقؑ
اپوچو مصطفی سکیسپی دے فرونمو جقپوینگ سکیانہ
مبارک ستونگپو دے نور الہ ان جعفر صادقؑ
فشگید زیرے نہ چھوس کاذب کونی صادق کھوری فیقپوا
لقب جقفو رسول کبریا ان جعفر صادقؑ
رسولی آل برینگ یودپی گا آیہ نا حدیث چکتو
دنیادینگ کرلفو دے سر خدا ان جعفر صادقؑ
رحم نہ شزدے بے لوکھسینگ ژہے گنگ شخفو شگر گونگ خسوین
حغی کھ معدن جود و سخا ان جعفر صادقؑ
علم ژل کھن لا یانی گا علم چکتوینگ نو ماہر بیاس
چی ژلنہ شزدے بے بحر سخا ان جعفر صادقؑ
ہلتوسی گا زدیکپہ شرگو چکتو لا خسانگسے زاچس کرلبو
رحم نہ گنگفی دے خشچن خوجا ان جعفر صادقؑ
یولنگ بوشانہ بوسترینگ چی رزق نی چھد زیرے نوانہ
لزانون ستروق بورے ہلژنگفودے گوپا ان جعفر صادقؑ
بوچو باب الحوائج نا توسل لا بورے جوا بید
موالیونگ سترونگ زیرے نہ بیو دعا ان جعفر صادقؑ
کھیاری ٹھوب سونگفی مک کن لے شجاع شوخمویکھا سنگ سونگفو
ولا پو یا خوجونگ چکتوی دوا ان جعفر صادقؑ
تروگی حجت امام دوسرا ان جعفر صادقؑ
نبی ژہوخچس چہوسی شربی نیما ان جعفر صادقؑ
اپوچو مصطفی سکیسپی دے فرونمو جقپوینگ سکیانہ
مبارک ستونگپو دے نور الہ ان جعفر صادقؑ
فشگید زیرے نہ چھوس کاذب کونی صادق کھوری فیقپوا
لقب جقفو رسول کبریا ان جعفر صادقؑ
رسولی آل برینگ یودپی گا آیہ نا حدیث چکتو
دنیادینگ کرلفو دے سر خدا ان جعفر صادقؑ
رحم نہ شزدے بے لوکھسینگ ژہے گنگ شخفو شگر گونگ خسوین
حغی کھ معدن جود و سخا ان جعفر صادقؑ
علم ژل کھن لا یانی گا علم چکتوینگ نو ماہر بیاس
چی ژلنہ شزدے بے بحر سخا ان جعفر صادقؑ
ہلتوسی گا زدیکپہ شرگو چکتو لا خسانگسے زاچس کرلبو
رحم نہ گنگفی دے خشچن خوجا ان جعفر صادقؑ
یولنگ بوشانہ بوسترینگ چی رزق نی چھد زیرے نوانہ
لزانون ستروق بورے ہلژنگفودے گوپا ان جعفر صادقؑ
بوچو باب الحوائج نا توسل لا بورے جوا بید
موالیونگ سترونگ زیرے نہ بیو دعا ان جعفر صادقؑ
کھیاری ٹھوب سونگفی مک کن لے شجاع شوخمویکھا سنگ سونگفو
ولا پو یا خوجونگ چکتوی دوا ان جعفر صادقؑ
