نونے یود جعفر صادق حغی سر خدا ان سک
تروگی رگوسکن بدونی ڑگیلفو غبی سنینی سنشا ان سک
کھو شربہ چک نہ مک ژھن سونگسے دروقسے کاذب غدوک لینس
گوپا تخسے کھولا صادق شرے گیب لا نیما ان سک
ہلہ سینگ چقس چھو سپوےکعبینگ نہ یری دے اسم اعظم پوس
وجاءالحق زہق باطل یری لوکھ سینگ نو درا ان سک
الستینگ لین فی جحت پو خداسی میونی کھہ گیوقسے
دوسے چوق سونگ نلا ہرتخپہ یدانگ قالو بلی ان سک
سکندر میول عالم لہ ژھے گنگ پو یانگ ژلے کھورسید
خضر لا آب حیوانی لمینگ یانگ راہنما ان سک
چھوسی خنم لا حدیث ہڑکوا اونگمی شیطانی نیرونگ کن لا
دہ فانگمی نجم ثاقب پو یری فیقپوے ببا ان سک
مکلنا آیہ قربی یتی شانینگ خدا یار نا
مبیاس نا کافر نعمت یدانگلا رگو نہ خشیا ان سک
کھیرے فوقتوکپا چا خنم پو یتی برکت لہ یود لنگسے
یتی ژھر پو بقا میدنا دنیاد پو نا فنا ان سک
خدا مک لا متھونگ مونگ لا خدا تھونگمی ڑگیلونگ پو یانگ
خدا ژوخ مید زیروک پا ناس یدانگ شبہ خدا ان سک
رگی ہلب مید پہ چھوس سنگ بیس کفر نہ لنگسے تھنگرلا
امام جعفر کراماتینگ نو مہ خود مصطفی ان سک
نا چیک چی بدا کھورید خنم پو سی مک ستونگ دوکسے مک میدپہ
مشیسپہ بدید گیوتوک شیش نا نلا جعفر خوجا ان سک
میگی چھو مید پہ ینگ چنگ مید یتی سقائی لق کھڑیل پو
خدائی فڑقپہ نہ جعفر شہید کربلا ان سک
