السلام اے روح احمد پیشوائےعالمین
السلام اے نور زہراء و امیرالمؤمنین ؑ
السلام اے وارث سبطین ختم المرسلین
السلام اے نور چشم و جان زین العابدین ؑ
السلام اے باقر علم الہ العالمین
اول ماہ رجب لا سکیا نا ینگ لے پیشوا
تھدس یری خچسپہ زیزی نہ حضرت زین العباد
سونگ اپوچو شاہ حسینی ؑ سنینگ رگنوچن لے خوجا
شیعہ چوق تھدے یسین کھورید پہ زیرین برملا
السلام اے باقر علم الہ العالمین
باقر العلم الہ زیرید چوغیس گا خاص و عام
جابری کھیونگسید اپوچوے فیوخلنہ یانگ لا سلام
یود یری خدمت لہ لانگسے گا ملک نا دریونگ تمام
ژون کھیریمینگ زیرین چی یوژہن نہ نیما چوغی مدام
السلام اے باقر علم الہ العالمین
مینگنہ ہرژسمید بے فیلہ ہشامی یانگ کھیونگسے ژلے
دا نہ غجوی کھیونگسے دہ فونگ زیرے یری فیقپوا سکلے
ہترخ چیگی کھا دا رُگپو فوقپانہ ہرمق چکتو بگیالے
زیرس محب کن چوغی یو تھونگسے تھدے تھوینگنہ رگلے
السلام اے باقر علم الہ العالمین
تھونگسے نہ یا معجزو ہشامی سنینگ لا فوقسے نا
جینگدو چدفی غبول چینہ ژوخ سونگسے لیگی دوقسینا
زیر بنی ہاشم پی حکمت ان یرینگ نو لوقسے نا
یو تھونید نا گا رگہ کھن دشمن چوغی زیرس روقسینا
السلام اے باقر علم الہ العالمین
شیعہ چکتوا تم نیہ نی چھنگ پو یری تھونگمو گڑہ ان
سو یری تم نیانی غدوینگ میدنا کھوری گویکھا سہ ان
گا رگلوکھس کھورکھن پو چکتوی جنتینگ تھونمو ہرکھا ان
ژہن نیما شیعونی یو زیرین چی دوکنارے خشہ ان
السلام اے باقر علم الہ العالمین
نزگغید ناسی اپوچو مصطفائی حق پو لا
ینگ امیرالمؤمنین ؑ مولائی سپیوے دے کھرق پولا
حضرت زہراء نہ حسنین عابدینی فیقپو لا
یوق سنہ نے کھیودمید نیالا محشری کھا سترق پولا
السلام اے باقر علم الہ العالمین
جعفر و کاظم نہ شہ موسی رضا نہ نزگغید
شہ تقی خچسپہ نقی پیشوا نہ نزگغید
عسکری و مہدی شاہ ہدی نہ نزگغید
سترونگ نیا بازوئے شاہ کربلا نہ نزگغید
السلام اے باقر علم الہ العالمین
ظلمی رگیمژہوینگ نوب فی یاری خچسپہ بوا بیماری فیا
دومبہ نہ نرفینگ نو ہرکقفی زینب ناچاری فیا
اکبر و کلثوم و اصغر فاطمی افکار فیاق
نی کھا جوق عین عنایت جعفرطیاری فیا
السلام اے باقر علم الہ العالمین
