ستونگ سلام دوک نی یریکھا اے شہ دنیا و دین
یری فیقپولہ فیا غینگ زیرس انت زین العابدین ؑ
قرۃ العین بتول و وارث نفس نبی
انمنا درگاہی خادم یود بیاسے روح الامین
تم نیانینگ خنم سے فرشتونگ یود کھورین کوجینگنہ ژوخ
یاری جیکھموینگ ژہن نا نین یانگ انمنا شہباز دین
یاری تھوالہ یود کھریلے نا سترو بیاسے ژہن نہ نیما
ہلتانے یودپا نہ نبی فیقپوسی یانگ حبل المتین
زیرس اشارہ بین حسینؑ ہذا امام اخ الامام
بوا امام بوسہ امام ان زیرے ختم المرسلین
یود امامتی ہرمہ نینگ نو زیرس مہ حجر الاسودی
ان امام بعد از حسینؑ حق علی ابن الحسینؑ
جیکسے دربو فیاغی وخپوینگ میونی تریانہ بیونگ کسل
چامی جکھ نا لنگفی ان پیش الہ العالمین
اونگسے نمکھورچی چھورٹ ژوخ دروقسے میونگ جوافولبہ نا
ہلتوس کرامات پو خنمینگ ہلتاچکنہ تھنگ چرخ برین
فولبہ نا جوا ابن مروانی سی فن کھے ژول زیرے
کھیونگسے ہلتنس تھوا سکنگسے شق فرن کن بیاسے در سمین
سو سخی بیونگنہ دنیادینگ نو مثال حاتم ہلتانید
یری بزانی خرمن پوویکھا یود مہ حاتم خوشہ چین
یاری ژون کونی ژونی ژون بیاسے جقنارے ظفر
مید نسی نن نا قیصر و اسکندر و حاقان چین
