بعدِ توحید ِخدا وند جہاں نعت رسول
گویم و درپس آن منقبت زوج بتولؑ
سر حق شیر حق و ہم ید قدرت پو علیؑ
وصی ختم نبی شاہ ولایت پو علیؑ
ہلژہمہ کھوے جوکتو نا ان چکتوپا احسن پو حسنؑ
اپوچوے امتی ان رگوسترونی جوشن پو حسنؑ
دیبنا امتی نسپی ہرمکھی مرہم پو حسینؑ
محشرینگ سق کھومہ یودپی غدینی ان لم پو حسینؑ
ینگ حسینی میگی عود بجی کھی امام پو علی ؑان
آب رخساری ضحی مؤمنی غدونی فلی ان
باقر ؑو جعفر صادق ؑچھوسی لزود نا نما ان
موسی کاظمیؑ فیقپو چھوسی ژھاری غزیما ان
بگیادی چھوسی خنمی شربی مہ انور پو رضاؑست
ملک و جن و بشرچکتوی رہبر پو رضاؑست
بعد آن سرور دین ان چھوسی مشعل پو تقیؑ
تہ تقیؑجوکتو نہ ان چکتوپہ افضل پو نقیؑ
دیبانا رہبر ما شاہ حسن العسکریؑ ان
سید و سرور ما شاہ حسن العسکری ان
تا دبینگ سق دتے یود نمزی امام بیونگمی غدیانینگ
مہدیؑ ہادی دین ہلژہمہ خدائی دے نانینگ
یا الہی نئی دے شربی نمو تا شر چوک
ظلمی دے ظلمتی ننگپوینگ چھوسی عود پو بر چوک
یا الہی نئی دے داؤ کھرے فوقچوک ہرتخیکھا
بیونگچوگی ہلژہمہ امام غیب لنہ حکمی تخیکھا
بلافون بیاسے چھوسی ہلژہمہ عودی تھوقنہ کھوروک
سغی سی ہلژہمہ دے رگیلفویکھا کھیمید ستروقپو سکوروک
چکتوی حاجت پو رگونا ستروق کھودیکھا سکوربو ان
کھوے غلام سغی خسمین یودپی مراد پو یو ان
ہلژہمہ دے چوبجی نہ ژوخ اونگسیدا سوچک بوجود
زیری ہلژہمہ غنہ رگویکھا سغی صلوات نا درود
