ستروغی بلبل کھیری دے گل ہوسی ترپو مبیوس
لالہ زار شہ دین نی حسینی ؑ کھا سونگسے نا بوس
نی خوجا سی چھوسی تھوقنا سکورے ستروقنہ بو بوژھونگ
لوسے یود دخسنی من شیعہ لا لقتو حغی چھوس
شوخمو جبریل امین نا دریو کلس یانگ لا خداس
کوسے یانی اپوچویکھا رداخی روی فری کھڑوس
یتی مشقیردیکھا خط پو کھیرے خنم لا خداس
ژوخسا ژوخ بیالا موتیک فشقسے یدانگ تھدپالا بگوس
اشی پی ہلژخمہ کسل انناسی قرآن تھوروک بابس
یری خط پویکھا فدا یار کھیرے قرآن پاژے تھوس
کربلا سکومفی یری لیخموے کھسوے برکتی کھا
نانہ ژوخ ہلتوخفی ہزاران یری ماتم پوبو خسوس
ذوالجناحی کھنا ببسے بہ سنان تھوسپو سرش
نلاشیس بیانا رگوفب یار اشی پابیاسپو گوتھوس
نومارگود گوید یاری ماتم بیاکھنی تھونگسے نا زدیو
یری عشقی چھانی کھا سونگسے حبیب نا نا راروس
زغمینگ نا فودے تونگ یا حسینؑ زیربانہ قیس
نا غمینگ نا فودے تونگ یا حسینؑ زیربو سہ کوس
یری نور دوبصر شبہ نبی اکبری فیاق
نی میگی عود پولا شزدے نظریکھا یانی ہلتوس
شاہ ادرکنی بہ بازوی علمدار تو
یری ابری ہوشی کھا نومسینہ عباس ؑ لا ژھے بوس
یری سکومفو کوسے عباسی ؑ سا مکچھوی سہ لا فوس
