از من سلامِ زیور عرش علا حسین ؑ
جانم فدائے تشنہ لبِ کربلا حسینؑ
ژھیمبوینگنو یود پی وخلا خداس تنگسے جبرئیل
بوسے خنمیکھا کھیرفی خوجا مقتدی حسینؑ
عیسیٰ لا ملسہ بجی خنمیکھا یو دمینے خداس
کھوئے تھیمبہ تھوس یری کھا نوسے ژھن نیما حسینؑ
فطروسی کھہ خدا یئ ہرپو لانگ فوقسے پود پہ فرین
یری برکتی کھہ تھوبسے کھولا رہنما حسینؑ
تھیق لوکھسی تھنگلا یانگلا زدے پے میولی کھا سُو مید
لاکھ چک نہ ستونگ نشو نہ بجی در انبیاء حسینؑ
آدمؑ حوا نا بر بیسے نا یود پا گرگو بین
لوح چہ ہلتین چہ یانگ لا نوسے تھوب حوا حسینؑ
یاری اعجازی ڑگیمژھو اُورے کھیونگسے گانگمہ نا
ہیوقسے کھیرید سمندریکھہ کشتی یا حسینؑ
بدون فچو نا نِس پو تھد پی فیلا بیوس یانی حکم
صاحب زمان لا شوخ زیرے تونگ شوخمو یا حسینؑ
تھونگ چوک بہشت نی مکلا می تھونگ میو جہنمی
سُو دوکھنارے یریکھا تانین چہ چھیما حسینؑ
عالم پو دمسے اونگسے یری سترونگسے یود ستاغو
یاری زگو تھیمی دومدومی سو طوطیا حسینؑ
یری دومبہ غدمسے دوکفی می ژھونگ شیعہٴ علی ؑ
دجّال بیونگسے میول لا کھورید جا بجا حسینؑ
رینگچن سکینہ زینب و کلثوم نا نزگغید
عباس نا عون و فضل علی تھد پی فیا حسینؑ
قاسم نہ خچسپہ اصغر و اکبر علی فیلا
حیدر لا شزدے بیاس نا قبولِ دعا حسینؑ
