مید سُوک پہ نارے لدن فا سبط رسولیؐ فیقپو
کل آل معصیت لا کھوم لوکھ پو سُو مینوکپہ
دے باعثِ نجات پو لدنگی دنیادیکھا کھونگ
دو مید نا لدنفہ چکتوی احوال پو گار تھونوک پہ
چوسچک پو دوکسے موجود یعقوبؑ لا بو دنیادینگ
یوسفیؑ ہجری مے کھا ٹھوب غزمیک چا گیگ پہ
دے کربلائی یوسفؑ پو پغزی یانگ لا تھونگنا
یوسفیؑ روح پا دونلا روحِ شریف رگالوک پہ
ارض وسماء و فیہا عقلی ترازوینگ سکارنا
یکتائے موئے اکبرؑ عقلینگ نو دو تھالوک پہ
شزدینگنو ہلتس نا حیران گوید نی خوجی صفت لا
ختمِ رسول نا ژوخ بُو تناگمو سولا فوتوک پہ
صبرینگنو یود پا مشہور ایوب ؑ نونے دنیادینگ
صبرِ حسینؑ لا ہلتاس نا ایوب ؑکجا تھونوک پہ
دُوکسے نا اشک ریزاں لیل و نہار حسینیؑ
خادم حسینیؑ دوکسے زہراؑ لا کھیانگ بجتوکپہ
دے کربلائی تھنگ پوینگ سکومسین چہ یانگ شہید سونگ
یری فیاقپوے سکومفی کوقمو چد پو سُولا فوتوک پہ
میول لوغی من پو داغ لُوس مید پا نا کربلا لا
کھے مید فقیری ستروقپو تھوقنا خوجی سکوروکپہ
