شکر ستونگ ستونگ زیروک نا سی خدا لا دے نعمت منمی شزدے چن خوجا لا
مچھمس ہرژیسنا ژھے گانگ نا نسپہ چن لا زونین یود لقپہ درگاہ رضاؑ لا
خدا یا یود مینے یے ہلژخمہ چوبجی یری نورجمالی شرسہ چوبجی
دینا نا آخرت نسکوینگ نیا لا زونین یود لقپہ درگاہ رضاؑ لا
دعا بیک نا یری درگاہ لا لوقسے نیا عاصیونگ نیسی گاچیکتو روقسے
گوچوگ حق گوق رگونا غے یے نیا لا زونین یود لقپہ درگاہ رضاؑ لا
نیا سق یود زگوسے غدیانگما نا گانگسے امامتی ستغویکھا سپلبہ جقسے
عطابیوس علم و دانش یانی نیا لا زونین یود لقپہ درگاہ رضاؑ لا
مینے یود رزق روحانی ندانگ لا مبیاس نا شزدے نا شکری خدا لا
متھوب ہے میدنا کھورسنا رے دنیا لا زونین یود لقپہ درگاہ رضاؑ لا
خدایا کھونگنی فیاق لدنچوکسے عالم مینے یود اختیار کل عالم
آئمہ مید نا رے مید لوسپہ عالم زونین یود لقپہ درگاہ رضاؑ لا
کھودی فیاق معدن رحمت نا رأفت سلام بر این امامان ہدایت
ہدایت تھوب چوگی مولا نیا لا زونین یود لقپہ درگاہ رضاؑ لا
پناہ گاہ ان کھودی فیاقپو ندانگ لا خدایی جوکنہ غدیانگ سو ان ندانگ لا
شفاعت ژول ندانی آخرت لا زونین یود لقپہ درگاہ رضاؑ لا
مابیوس مأیوس نیا بار الٰہا کھودی فیاق پو لسان الغیب نیا لا
علم چی لوفچوگی مولا نیا لا زونین یود لقپہ درگاہ رضاؑ لا
جناب معصومہ رگیلمونا نزگق کھوری مینگموے فیاغی ژھیرترقنا نزگق
ابوالفضلی فیاغی فرقپونگ نا نزگق زونین یود لقپہ درگاہ رضاؑ لا
