بلبل مسونگ بوسوک پا ستودکھا زیرین حسینی ؑ
گیوخپانا شام تھونی من تسبیح تنین حسینی ؑ
یانگ سکیانہ تنگسے لعبا جوزا چوکیا بتولی
نر بین لوغید بہشتینگ زائر نیا حسینی ؑ
رگولہ نر اونید خوجا نی رتبو یاتی کوسینا
ذکر خدا پہ تھوس پو رن بزو صرف حسینی ؑ
سکیسے رگلے جوانی سعمرینگ سکغر شی فرین تھون
لق ہلژیب مسونگ درونگ تک بوسا ضریح حسینی ؑ
سنینگ میک جرے نا چھون لا سمنپہ حکیمی لذا کھورس
سونگ نا قبول نی توبونگ گیگ نا چوکیا حسینی ؑ
شاعر مسونگ نا ذاکر عابد مسونگنہ عالم
ظالم نامین نہ راشی عاشق نا ان حسینی ؑ
نمزو چہ سونگ اینا ہے رمپہ ژالے ختوبین یود
ہلتن مالا زدوا پیوند بید سترونگ نوک خوجا حسینی ؑ
یودسوک سکورین گناہی چھوسمینی چھوسکورنگ نا
سونگ ناقبول نی توبو بیک نا چوکیا حسینی ؑ
یعقوبی بو زندان نہ تخسی کھہ فیونگسے مصری
حیدری بو مجق ہے نین ژھن بیاسے حسینی ؑ
