خدائی نور نبی ژھوخچیس حسینؑ ان نی خوجی مینگپو
ید اللہ حیدری بوخچیس حسینؑ ان نی خوجی مینگپو
سیکےوخپوینگنو زیزی لا یانگ خدا دخپو بہشتنگ نا
تا جوزا نا فرش کلفو حسینؑ ان نی خوجی مینگپو
فرشتونگ نا دریسے جبریل خدائی حکمی کھا تانگسے
حسینؑ توخ زیرے ژھور منفو حسینؑ ان نیٴخوجی مینگپو
حسینؑژھیمبوینگ نو نوا تھونگسے خداسی جبرائل تنگسے
سکولین ژھیمبو یویو بیاس پو حسینؑ ان نی خوجی مینگپو
بیاسے سنید ژل اپوچو لا ردخسی ریو تھوبا گورفینگ
دے دلمو ریو کھیدے اونگفو حسینؑ ان نی خوجی مینگپو
عیدی جق لا اپوچو سی کھورے سنیکھا زیرین عف عف
فیاغی چن چن رنیا بیاسپو حسینؑ ان نی خوجی مینگپو
اپوچوے امتی نسپی مکافات لینمی وخپوینگنو
علی اکبر فدا بیاس پو حسین ان نی خوجی مینگپو
زیارت بین چہ یود دخسن یری روضی ستاغو سترونگسے
ملائک کن نا منصور دونگ حسینؑ ان نی خوجی مینگپو
زرین یالیتنا کنا یری شیعوں چوغی ژہن نین
ردونین صبح و مسیٰ بڑنگ کون حسینؑ ان نی خوجی مینگپو
نا نیسچن ذاکری جوا بید قبول گوئے غدیانگمہ نا گانگسے
سننینگ یودپی نئی تونگو حسینؑ ان نیٴخوجی مینگپو
