مندوقنہ بیسپی بلبل ژوخ بیاسے نالہ بین یود
یالیتنی زیرین چی ژھن نا نما نا نوین یود
شانینگ یری فدینا گوید ماو ذبح آئیو
خنجر مدرول فو تھیب مین بوسا اپوچو بین یود
شیعونگ لامحشرینگ نو کم سونگ نرے عمل پو
یری ماتمی چھمی چھو زہرا زیزی فساغین یود
مابکت السموات والارض یاری شانینگ
ہلژخمہ خدا قرآنینگ خنم سا سی نوس پو ہرژین یود
شیعونگ لا ہسکے حشرینگ یانی سکوم مچوکپی غدیامینگ
سکومفی یری دے کوقمو ژھن نن سنینگ خسمین یود
تھیاقپی دنیادی دومبونگ یود پا چی توہ خوجی کھا
جوگسے نادی کھغینگ نو چون تھونفو سینگ تھیاغین یود
یری رینگچنی کھا ستروقپو سکوربا مسونگفی گیودپینگ
خادم بیاسے نا منصور صحنی ستاغو سترونین یود
ہاشم پی لزود نا ژوخپو یودپی جوان کونی فیاق
نیارگس مچوک تھومید لا اکبر نا نزگغین یود
یارب یانی قبول بیوس ذاکر علیؑ جوفل پو
یانگ سویکھا مید نلا غدیانگ یانگژیکھا غدیانگمہ بین یود
