اونگسید لے خوجا رگیازگوا یری بیوسی نظر چی ۔ یا اللہ یا اللہ
مید نارے نلا میدہے سویانگ رحم بیاکھن چی
اقرار جرم بین چی شفاعت ژالے اونگسید
کھڑیل یے نا مچوک حشری جغینگ ملعون زیرین چی
میدنا سی نا بیورمو یری رحمت نا کرم لا۔یا اللہ یا اللہ
بخشش نا رحم پولا یری میدہے تھوتھیک چی
یانی نی خطاکون نا گناہ کون زیرے ہرژیس نا
غدیانگ چھود نامیگو یودنا سی نیسپی چھوغو زگل چی
یا ہلژخمہ کسل کون کوسے یود غدیانگمہ نا گانگسے
غدیانگ چھود پو کفر ان زیرے قرآنی زیرین چی
بیک ناسی جوفل قاؤ بیاسے در حال پریشان
بیوس یانی سنانے مید نلا یانگ سمیع حق چی
تا حال تھونی من لطف و کرم نعمت و رحمت
دنیادی کھا عاصی لایانگنی یودہے منین چی
دنیادی کھہ یے بیاس پہ نا ژوخ بوالفضل لا احسان
محشری جغینگ یود یاری احسان لا غدیانین چی
