سرُور سینہ خیر الوری خیر النساء انسوک
نئی میول نسکوے رگیلمو شافعہ روز جزا انسوک
نی ژہیو زہرائی فیقپوے ستوکھ بین چہ رگالنہ خشہ انپا
دنیاد نہ آخرت نسکوے نتی تونگو روا گیگ پا
دی رگیلموے معرفت سونگسے رگالوکھ کھورنا سنینی پغزی
نتی برن چہوس قبول بارگاہ کبریا گیگ پا
خدائی رن بزو مید سوگنہ رسول اللہ گار شخنہ
جناب فاطمی فیاقپویکھا رخصت لین ما چا گیگ پا
سکورید پہ لق سکوری رنٹھق یانی فیق بیانہ رضوانی
خسمین چہ یوسنینگ زہرائی خدمت چہ ادا گیگ پا
یری روضی زیارت بین سولا فرود چوکپہ مید رگاؤنی
بشن سونگنہ موالیونگ چکتوی گا ند لہ شفا گیگ پا
چی شخمید نہ ظلم کن تھیقس ببی امت پو خسمسے نا
مہ تھیقپہ بددعا بیاسنہ دی عالم پو فنا گیگ پا
کسل یود خچسپہ رگیلموے نیکھ تھونفی دومبہ نانرفونگ
نیمی کھ فوقنارے پغزی مہ تھیقپہ ژہن نہ درا گیگ پا
ننی جوگپوینگ میاقس حرمت مہ تھونگسہ امتی لوکھپو
رسول اللہ فیقپو نہ برینگ مانع حیا گیگ پا
دنیادینگ رگیاقسے مشرک کن بدسے سکورید محب چکتو
دعا بیاسنہ یانی ہلژہمہ بہ درگاہ خدا گیگ پا
سنانے جقنارے لے رگیلمو یری نسچن موالیونگ لہ
دنیاد نہ آخرت نہ حشری جیکھ موینگنہ رہا گیگ پا
تمنا چوقپہ یو انپہ شجاعی سنینی لے رگیالمو
یری روضی کھہ لدوم لدوم پو سنینی ندلہ دوا گیگ پا
