اشی پاس فسلفی نبی ہلژخمہ بونو فاطمہؑ ان
حسنینی غدونی نور سینی رگنو فاطمہؑ ان
بہشتی دقمو مینے بخستونی جقلا اشی پاس
خنم نا سا یمبو مونور تنگفی بونو فاطمہؑ ان
خنمی تھونمو انولا لزوت نا نیمے سیکسپہ نا ژوخس
حسنین ژوخ بوچونی ہلژخمہ زیزیو فاطمہؑ ان
معجزی خنم لا شرے عصمتی پردی رگیافوغینگ
کفری ژھن سکیالے سانگ بیاسپی نیمو فاطمہ ؑ ان
فیغی وخپوینگ نو فرشتونی نونونگ فتولفو ژا مین
روزہ شخفانہ خداس کلفو زہ نو فاطمہؑ ان
نونے یود آیہ حدیثینگ نو دنیاد لدن کھوتی فیا
مزدوری بین چہ بے کھن نف نا تھنو فاطمہؑ ان
بہشتنگ نہ ہرپو بیاسے فیونگفی دے حوا اپی چو
نریمی جویکھا بہشت لینفی ژھنو فاطمہؑ ان
میگی عود بوی بوگخینگ روز قیامت تھونی من
شیعہ لا بیاس پو موتک نوسپی چھنو فاطمہؑ ان
محشرینگ دروقسے نبیونگ نفسی زیرین کھوربی برو
حشری تھنگ لہ بیاکھن امتی جو فاطمہؑ ان
