یود حدیثینگ نو یہود پوے کھایگی گڑقفو بیاسے
کھوتی گڑقفوینگ نو زیرید پا کھونی سننگ ہرکانگسے غبوسے
تھونگسے پیغمبری ڑگیل چھوسنہ چھوغوے لوکھپو دیژے
کھوتی مک لم لا ندانگ چانگچی سا مین لیگی ستورے
ناتی بخستونی چتق فچاس نہ فچوکھونگ چکتوبیاسے
ناتی زنزوس نہ بونونگ کھیونگمہ می تونگ سق لا سکوسے
دیباناگیگ تا ندانگ سید کونینی شیدا
مینگنا کھڑیل چوکپی فیلا حضرت زہرا لا بوسے
دے خپیرو سینگلا شوڈے ہرکیانگس دے کھیفو پیش رسولؐ
جوفلی بزویکھا زیرید پا کھونی کھانگ زدیب پا فچوسے
نائی کھانگزدیب کونی گاجقنہ رگنوے مجلسی بیور
فاطمہؑ تانگسنہ یری شزدے نائی گڑون لا زگوسے
خپیرا کھوٹ مانگمو فچولے بڑانگسے نارنچوکسے رسولؐ
کھوتی ہلتواببسے ہوتے سونگ کھونی کھا یودپا غبوسے
خشی شزدینگنو زدیپے میدپی گوپو ہلژخمہ رسولؐ
شخسے زہرا لہ کسل بیونگمانہ گریان بتول ؑ
دے نبی سی فتولے نرموے کھا کسل بیونگمی ریسی
ایکھا نا بیدپا جوفل بادل گریان بتول ؑ
سنینی کھرق میگی ہلونین مانگمو ژھرین بیدپا جوفل
سینگمہ گونچس چی گونے کھڑیل باچی مہمان بتول ؑ
دے برینگ خنمناسی تھون شوخزیرے جبریل امین
تھدے شوخس ہلتنمو لہ حکمی کھہ خروشان بتول ؑ
ارے دے من نا بہشتینگ نہ تھونے حورمو کھائیک
رگوہلتینی فچس پو تھونید نارے سونگ خوشحال بتول ؑ
نمالا نوری کھڑیلے یود پانا ژوخ یود بہ کھڑیلے
تھدے شخسید پا خرومان خرومان بتول ؑ
دے چھوغے لوکھسی کھا زینگ زنگ نہ ہلینگ دبدبانہ
طرقوا دونلا زیرین ماہ شمع و شان بتول ؑ
عودی تھوقنا بلافون کھوربنا ژوخ یود پا کھورین حورمو کھائیک
تھونگمانہ چکتو بیاگلے شب شبستان بتول ؑ
یسپا سونگ یہود پی بوسترینگ کونی مجلسی ژھیرنگ
چھوسی دونژھاری تری جوم چون گل ریحان بتول ؑ
دیکھا بوسترینگ چی کھائیک سیکھا ریلید پا یوگاری
تھونگمنہ غجینگمہ لا ملجم بیاسے مرجان بتول ؑ
دیکھا ستروق فیونگمہ یمور گوید پا کھائیک لا کھوقنانی
تھونگمنا سنا لہ بورے گوہر و غلطان بتول ؑ
دیکھا بدبخت مو کھائیک گوید شورے غدونگ تھونگمو پاژے
تھونگمہ نا سپیکھا کلے تاج درخشان بتول ؑ
لعل ہر زیور و زر ہرژاقپانہ صورت پوبیکھا
لال سونگ چکتو بیگالے پیرو جوانان بتول ؑ
کھوخشانی کھا ہرننا بین ہلتسنا سنینی میک کونی سی
جوکپو دنیاد سکیورے داخل فقیران بتول ؑ
دے کرامت پو میگی تھونگسے چھوسینگ لوقسےکھائیک
کھونگلہ سونگ کفری ٹھوبینگ مشعل ایمان بتول ؑ
دے نبی سنینگی رگنو نور دو چشمان بتول ؑ
بلکہ یود پا فیاغی رگوینگ یو دپانہ ژوخ جان بتول ؑ
منفا ژوخ علیؑ لہ رگیل جہاد اکبر کونی کھا
اشی پا جہاد اصغر کونی رگیل منفو بتول ؑ
شخسے جق خسوم پو روزہ چھوی زما نا فیاقپو بیاسے
ہلتوالہ بڑق چینگسے ایکھا خدائی سکل منفو بتول ؑ
تھیاقپانہ عصمتی لوکھسینگ نو خدا مانگمو تھدے
ہل اتیٰ آیئہ تطہیر بدل منفو بتول ؑ
دیکھا دنیادی اپی لقلہ ربیلوکھ دوخنہ زیرے
ایکھا جنت پو خدا ستینگ کھانی مل منفو بتول ؑ
دونی سا مائدہ بفکھانکونی کھا فضہ نا ژوخ
مائدہ خنم لا نہ دے مِثل و مَثل ببفو بتول ؑ
شزدے چن صل علی محمد و آلہ
دیبانا سترونگ نیا دے کبر و دروغ و حسد و
