ککونی بیس نرے دشمن چہ توکھ نا لہ علیؑ دوگسے
اتا ستونگ چک پہ ژے خشچن کھاری گیب لا علیؑ دوگسے
حساب باقی اعمالی نلا سوس ترید نرے بالفعل
ناسہ بالقوہ مین بالحال علیؑ لقتو بہی دوگسے
اپونی ان خپیرو ژہورفو تھنوینگ نہ ریسپہ ژام شورفو
عجب مین گیب لہ کھونگ کھیورفو دونو بجکسید نبی دوکسے
سہ فشقس مرحب چدے خےکھا زونے جقسے فرشتونی
سلا جبریلی سا شوقزگو زونے جقپی فلی دوگسے
نبیونگ دوکفو شے سا تھیق پینگ خسما اونگنوک کھیتی جق سپینگ
ہلچے ینس فیونگ سا علیؑ لقپینگ کھہ نیس یودپی رگی دوگسے
کھیتی ایمان پو سونگ تا گودکھیانی سی ہو ہو زیر با ژھود
بجی تھونگسے چارنین چی یود چونیس نا غو نئی دوگسے
اپوسی بگیاؤکھیتی ژہنگسید نئی حقپوس دریلے فنگسید
غلط منگموے کھا چا سکیانگسید نئی یونژیو صحی دوگسے
حسینی ؑ ان زیرے نا ژون زوگید ننگ شامپونی ہلتوینگ چھون
حنینی ینگ فیونید نا کھون چہ توہ عباس علیؑ دوگسے
