پاغزی سوا یود نا یوگر ہسکے بہشت ہرتن چوکپو
ان درینگ حب علیؑ چھانگ پو رگو لا جن چوکپو
قدری میک یود نا سولا ہلتوس نی خوجی رتبو لا
لزالا کھوانگ سکیانہ سلا خنم کھوری فیاق لدنچوکفو
نما نوبسیانگنہ نریم لزوقفی دے چھبجو یوان
شربہ چیک گیوقسے نجف لا کھوری غدونگ خلن چوکفو
تھون حکم آیہ بلغ کھورے جبریل امین
جانشین پو علیؑ ان زیرے نونے ہلتن چوکفو
نونے یود سائلی سی بڑانگفی کھہ کھوربے چیک لا
سنانو پیرانگ چیک خسری کھورنا دریسے کھوانگ سنن چوکفو
گا نبیونگ لا بگوسے معجز زیرے منسید پا خدا
کھوانگلہ مخصوس مبیا معجزہ سینگ نیان چوکفو
کھوری دشمن لا سقر کھوری رگاکھن کون لا بہشت
نا بگیالید ہلژخمہ اشی گو بیاسے کھوانگ رنچوکھپو
یود نا توہ مید بیاسےنا لجید پو یرینگ نو فانگسے
سنینگ پولا سونگسے یقین گا لاسی بزوینگ فن چوکپو
لے خوجا ہلتمو ہلتا وخ مین دوسے تھونسید زور لا
دوگسے لقپینگ نو یری خسمفو نئی لدن چوکپو
فیسے سا چانگسہ بیاتھب مید پی نا ژوخ لوس کھن لا
یانگ توسل لا بورے بیانہ دعا ہرژنچوکپو
