خدائی فرقپہ نا سر نہ اشی ان نی علیؑ مینگپو
نبی ستروقنہ نبی رگو نہ وصی ان نی علیؑ مینگپو
حسینی ؑ تربتی کھہ ربیس بڑانی تھوق نی کفن پویکھا
نکیری مے ڈوفوس پو لہ فلی ان نی علیؑ مینگپو
اپوے لقپی لکھر نہ فرونی رگو سترونگ بے دعا پویو
رگہ لا گوے تھوقنہ ہلوق سپربی رگی ان نی علیؑ مینگپو
خیانی لق کھرل ژھنی ژھن فروژھرنگنہ کھوق کھولی سمن نا
عجائب نا غریب کن خسوے اشی ان نی علیؑ مینگپو
دنیاد لہ نونفی مرحب دونگ دیژے فرقپے نہ ان دوگسے
کوسینہ لق ہیلے شیسپو صحی ان نی علیؑ مینگپو
کھہ تھوق کن لہ تھوسے فوقتوک زیرے جیگسے تمی ہرکنگ پو
خدائی ذات نہ مینگ چک سونگفو چی ان نی علیؑ مینگپو
نا سہ تم چکپہ طوطی ان درینگ شک میدچہ ترید نا تریس
جواب یومید پہ ینگ چنگ مید علیؑ ان نی علیؑ مینگپو
شراب عشق مولا تھونگفی مشرب پوینگنو تریسنارے
عبادت گنگمہ سنت واجبی ان نی علیؑ مینگپو
کھورید جنمی روزی فیا نا درونگسا رنٹھغی بزویکھا
زوسے تھونگسے می مچھم فی یو روزی ان نی علیؑ مینگپو
شہ جنمونی نی روسپولہ مشیسپہ بید شہ تھین بیانگ تھین
شہ چھد سا ان نا عباس ؑ لہ فڑی ان نی علیؑ مینگپو
