لاش مظلومی کھا ہرتا تنگمہ فودا شام کوفہ پی
فوقسہ ہے باد خزان غدیانگ چھودنلا منگمو ببی
کلے شوق شوق چی غوبین فاطمہ صغریٰ بابا لا
بربیسے میکھہ یتی شوق شوق ربیسید سنیگنی کھڑاغی
فودپاچن خچسپہ بابا نافانگسے جقپو دی یولینگ
شوخمو ئے کھیربا تونگنی نا میکھہ شید ہے اصغری ؑ
بیاسے شخسے چھد نلا تھونے عراقینگ ہرتین منا
کھیربا تنگ نوک شوخمو یانگ بخستونرے سونگنا اکبری
تھون چوگی یانگنی سلام نی نینچو زینب ؑ لا فیسے
یود لمی کھا میک کلے سنینگ ستراقشہ گوینچی فاطمی
سنینگ لا داغ گوید یا ببا یانگ شخفی وخلہ اصغری ؑ
تانگسے لقپو غجینگ ما لا بڑانگلا بیارے شخس فاطمی
کھیر لے قاصد خط پونی کھیانگ تھون نرے کرب وبلا
زیر سلام نی مینگمو لا کھوانگ ترانگلا دوگپد نی ببی
تھون دے خطپو کربلا مظلوم حسینی ؑ فیاقپولا
چھمسے ہرمق چکتو لدنے تنہا بیاسے یانگ ہرمق یری
دونگ لے قاصد زیربا جو اکبری گوسنیاسکھی کھا یانگ
لونگس لے بو جولینمہ یانگ خط کھورے تھونسید فاطمی
زیرلے قاصد فرنپو یو کھاینگ لوقسے تھوننا فاطمہؑ
ستورباسونگ چکتو نلا یود غدونگ خلنے سہ اکبری
