کربوبلائی تھانگلا درینگ ظلمی خنم کھورے
فیونگس ربیانگنہ چینگسے آل رسولؐ دشمنی یلے
زہرائی دونژھری کھبونون شومفہ سونگ تھانینگ
یسلونگ مہ منما سکمسے درینگ ظلمی چھو چدے
ستق ژوخ رگوبونگپو غزیمسے چھوکھا نہر علقمہ
طہ ئی ژھوژھامونگ یلے بسکیا سنانوا کلے
اکبر نا قاسم عون و محمد ستورے درینگ
میھمان بیاسے مدینہ نہ کھیونگس کربلا بوسے
چھوسی نیمو کھڑاغی شفقینگ نوبسے کربلا
تھون خیمہ گاہ لا دشمنی ہرمق شمری تھور کھورے
عفت نا عصمتی نانونینگ ژھرفی رگیالمونون
یود سکللا تانگسے دشمنی ہرمق کنڈیری کھورے
فیونگس ربیانگنا چینگسے غجینگما لا ہلچخ تانگسے عابدین
دشمنی چھوسی ہلژھمہ ربالا ظلمی مے خدے
لزوت نا نیما لا شربہ ماکھیود فی علیؑ بونونگ
گورزین پو تھانگلہ گویکھی دخون میدہیڑیا کھیرے
لے خنم مکھریلسہ کھیانگ دے بروک آل مصطفی
ہرمق سکللہ چینگسے ہرژسمیدیکھا زینبا کھریلے
