ہلتوس نی علیؑ ستودکھونگ خداس کھوانگ ژوخ سوائے حی بیاسید
اما علیؑ روس تقرقپہ نا حق کھوانگ ژوخ می گیور باشے بیاسید
کعبینگ نو وجہ اللہ سکیسے تھوب فیق بیاکھن لا آبرو
کفری غدونی کھا نہ چدے آب الف پو بے بیاسید
در ما خلقنا خلقتینگ گیوقسے کھودنگ شیس چوگسے نا
در اِنما و اَنما رگونگ لا کھودنگ لہ رگے بیاسید
کوہ بلور نا ذوالفقار چق ردوانگ چمق بیاسے یانی
میا چھدفی دریونگ تنگسے برینگ سنینگ سترقسے فنگمی ژے بیاسید
جمشید جم کاسہ گدا ہم کوچہ گردد کیقباد
ناز فقیر درگہت کاؤس کے سی کے بیاسید
یری مینگپووس خسوین چی گدا حاتم زیرین چہ بربرینگ
دشمن لہ گو منفی کھنہ حاتمی مینگپو طے بیاسید
بنگ بنگ برین مرحب تھنینگ اونگمانہ فچس تنگسے فچوسے
یانی ذوالفقاری ہلوغی کھا صورت پو لاکھوے مے بیاسید
پابند عقل لہ چا مگو تھونگسے یری مردی ری گوا
ذات السلاسل چک چگینگ روے سپونگپو بیاسے لے بیاسید
غرہرژی نہ یمبو رگوینگ تھونے نی رگوینگ نہ ستروقپو بیونگمہ یود
یانگ ژے شراب پو تھونگسے نا ایونی رگہ لوکھپوقے بیاسید
کھیونی سی غم غم بے ریسی نی سنینگپو لا کھوق کھول ہرژغید
یانگ شیر حق چک چی لا ناس میونینگ نہ خسنگسے شے بیاسید
سونگسید صراطی زمبہ ژوخ نمزونگ چہ نازک نا کھسر
حبل المتین لا سترو کھریلے عباسی نا لق کھے بیاسید
