کربلائی مندوق ژھری بلبل زینبی زیرس ہرژیکچہ غویکھا
گل صد برگ نہ ژوخ مینگموے ژھون ستونگ تھونفی رگوبونیکھا
چون چون کھراغی چمن ژہرینگ یسفی نئی مرفوے گلاب
یری سنبلنہ ژوخ چونچون پو ہرکیلبہ سونگ نیزونی گویکھا
ہلہ ہرژینہ ژوخ نقبو سمعرو کافور نہ ژوخ کھوق کھولی کھا
کرفو سمعرو لا شام کوفہ پونگنی سرموسینگ بورس گڑونپی بزویکھا
نی کھہ نیمی نیغزیر فوقنا یانگ شاخسے نا گڑیمفق بیدپا
شوخلے مینگمو گڑیمفق چی بیا نینژھانینگ ژھیک پی سترینگمو یکھا
یانی مدینینگ نہ پردہ تنگسے زمپان لا نا بورے کھیونگسے
یلبہ سونگ گوستونگ نہ کنگرزین بیسکیا ہرتونگ نہ سنانونگ نیکھا
نی اپوچوے رخصت میدپا عزرائیل لہ زگوا جوکھپا مکھیود
ہلژخمہ پردینگ شخفی خاتون کن تھونمہ سونگ جنمی زگویکھا
بورے ہلچق تھور کنگمونگ خلخالی سکین ژھونژےفروفرونگنی کھا
یلبہ سونگ یری ہلژخمہ توژیونگ شام کوفہ پونی شخمیدیکھا
