یا رسولؐ مکی و مدنی سیدا
امتی ظلمی حد پو ہلتوسی سیدا
مرتضائی رگنو یری خچسپہ حسینؑ
سجدہ بین سکومسے گیورفو ہلتوسی سیدا
یری سکینہؑ کھورے ژھر فی رگو لا درینگ
ہرژسمیدی سیکھا فوقفو ہلتوسی سیدا
کلمہ زیرین یری امتی ظلمی کھا
چھوسی رگوے سرپو بر فیو ہلتوسی سیدا
دوگسے جق خسومپو سکوم سین چی بیاسے شہید
ہوبچی چھوی سہ متھوبفو ہلتوسی سیدا
دے شقی امتی بیاس تھومیدپی ظلم
زینبی برقہ کوقفو ہلتوسی سیدا
جبرئیلی یویو بینچی فتولفی حسینؑ
سرپو نیزیکھا کلفو ہلتوسی سیدا
کوفہ نا شامپی سترانگبوینگ یری اہلبیت
یول سکھیاد چوقلہ سکورفو ہلتوسی سیدا
سہرا گویکھا مکلبہ علی اکبری ؑ
نیزا بڑانی کھا تھونفو ہلتوسی سیدا
ژل بنا چھو علی اصغری ؑ سکومفولا
چھوی بدل لا دہ فوقفو ہلتوسی سیدا
