نا ہرژیک چی زیروک گیوخسے ندانگ گوےدے سفرپوینگ سقنابیسے چیکچی
دیوی سکینلا حسینؑ شخفی سفر پو ایتو بینچہ شام کوفہ خسمین چی
یود چوقپاژے ٹقٹقپو گولہ ستروقنہ رگو بر بیو مید دولہ جواب چی
دیوی سکن لا حسینؑ سا اپوچوے روضہ نا بربیو نوس خسمسے غوبین چی
میت قبرینگ تھونفی بروک جیگسے نادروقفو ہاے ہاے زیرین نوینچی
دیوی سکن لا حرم لا حری ہرمق تھونگسینا دروقفو نوس کوقمہ چغین چی
قبرینگ تھونے نا بڑانگسہ ہرتنے سونگسے نا غدیانگ چھود چیکچی بگیالے ہلتینچہ
نوس کھیانی حسینؑ کربوبلا پا زیرے ہرتینفی بڑانگسو ایتو بین چی
تریسو بیکتہ نکیرینی کھیری خسومی امام پو زیر زیرے خا بیس نا
زیر کھیانی شہید کونی گوپی مینگپو حسینؑ ان گویکھا سہ بورین چی
نیسپی عملی خط پو نتی غجینگمہ لا بجوسنا چی یود تا جواب چی
فیونگسید نیا نسپینگ نہ خوجاس اکبری فیاقپوے رگولا کھڑق غزرین چی
از جملہ عذاب پو قبرینگ یود پو فشار ان چی بیک تا نجات چی
نوس قاؤ بیاسے بڑانگ بر نا ببی شمری سکینہؑ کوقفو ایتو بین چی
پغزی قبری ننگنو ندانگ ہلژاہنا برہنہ چی یود تا بیاتھب چی
نوس قاؤ بیاسے زینب ؑ لا دخون مید پا سنانوے کھا کلفو ایتو بین چی
ذاکر مامیتھوب ینگ کھیری نسپی دی ہرمکھونگلانو پا تھلے سمن چی
تھوب تھوکتہ قیامت لہ شفاعت پو حسینی ؑ نوس نہ دوسے فرین چی
