رگوی چھوسی نم لنگسی سکرچن نوب درینگ ظلمی فسلینگ
ستور بہ سونگ عالم لہ رگیالفو سونگسے ٹھوب ظلمی جورینگ
بزور لوکھینگ نو یانگنہ ژوخ میدپا نا دی دنیادیکھا
سونگ تقی مینگ تخپونونمہ ینگ رینچی بزانینگ
کوانہ عزت سکید پی ہرمنگپویانگ مدینینگ شخصے نا
اونگ زیرے مامونی کھیونگس یقپہ بیاسے گڑونپی ستابینگ
معتصم ملعونی سی مامونی ظلمی جوکتو نا
یودپی کھون کن فیونگس دے کھی سی یود پو سق جقسے سنینگ
تھون منہ ہرتوکھ می لعینی کھیربلا بغدادیکھا
بیاس وصیت کن امامی فچوی امام کھیونگسے نانینگ
شہر بغدادینگ تھونے نا گرونپہ بیاس ژہیر ستف سیکھا
مینس دے کھی سی توک امام لہ کھیونگسے نا ظلمی لاغینگ
بجیس فنہ کھیونگفی زاچس کن ہلژخمہ رگو سنونپو گیورے
سونگ شہید دے چھوسی رگیالفو رگو جوسے زہری توگینگ
