دے تروگی شربی نیمولہ ظلمی گسل کن ردبسے نا
ٹھوب بیاسے سنگ سنگ دنیا پو شامی ظلمت تراقسے نا
شخسے یود پہ لم ہلتانین چی یود پی میون سقلہ حغی
لم ستورینگ سونگفونگ لہ کھوس حق تھوبی لم پو ہلژبسے نا
نونمہ سونگ عالم لہ مذہب جعفری برفیس بیاسے
عالم علم لدنی ژوخ کمالینگ گانگسے نا
تھونگمنہ رتبو امامی کھون کھورے منصوری سی
بیاس شہید بیالہ مکر کن بغضی کھا ہلتوا ہرکنگسے نا
۔۔۔کھون کن مہ بیونگمہ ژہن نیما ظلمی گڑہ بینگ
چنگ بیاتھب کھونگلہ مہ گوانہ منس خبرکن خسنگسے نا
کلس مدینینگ نو کھوسی رگون کونی دوقمے تھوسے
ربیس خطینگ حاکم لہ یو یود زہری چھوینگنو زبانگسے نا
جعفر صادق لا بجیس چوکس کلفی دے رگون کن فسالے
مینس دے کھی سی یود پی رگون بجیس چوکس لزالا بڑانگسے نا
بجیس فنہ یا زہریکھا گیور دے چھوسی شربی نیمو
موسی کاظم غوبین نوس نی بابا شخس فانگسے نا
