کربلائینگ زدوگی کھا زدوک ہرژقپو سا باقرؑ لا تھونگ
شا حسینؑ لا جقپہ جق دوم ترقپو سا باقرؑ لا تھونگ
اہل بیتی ربزگوکھا سکومسید زیرے بےگرگونا
داؤنگنی چھرفینگ نو اپوچوے فیقپو سا باقرؑ لا تھونگ
خچسپہ نہ رینگچن اپوچو شاحسینی ؑ بڑنگ پونا
شمری سی لزوغی دے گومبو ربقپو سا باقرؑ لا تھونگ
کوفہ پونگنی سترقسے نا ربو چینگسے تیتونگ فیونگمونا
عابدینؑ لہ بور بہ کھیونگفی ہلچق پو سا باقرؑ لا تھونگ
تیتہ لقپو لا بورے ہلچق اے اسیر کون نا دریسے
شامی زندانینگ یزیدی زگقپو سا باقرؑ لا تھونگ
سکیسفہ نا گیوربہ تھونی من شخمید ظلم کن بیسپی کھا
رگو توگی کھا سنونپو گوے دے جقپو سا باقرؑ لا تھونگ
زہر ی میو رگو لہ جینے چوقلہ وصیت بے برو
اہل بیتی کھا زدوگی خنم چھقپو سا باقرؑ لا تھونگ
سو ایکھا نا گرگو بینچہ سو دیکھا سیکھا ریلین
چوغی سنینگ کن یا زدوگی مینگ سترقپو سا باقرؑ لا تھونگ
