شکر یا شزدیچن دخپو ظلم چن شامی یلسینگ نا
درینگ آل رسولؐ کھومسے ژھڑانگنا دومبا نرفینگنہ
یزیدی بیاس حکم تاکید بشیر ابن جزلم لا
چتق بیوس اہلبیت کن لا درینگ نہ فیونگمو زگقسینگ نا
دے مننا کھیونگس خسری ربس یودپی دلپوش تانگفی زنپانکن
زیرینچی طرقوا دونلا فیسے خاتون کنی مینگ نا
کسل بیونگس دومبنا نررفی انو زینبی گرگویکھا
خسری زنپان لا بیورسید پا نا بیونگ وخلا مدینینگ نا
نری بخپو نا ژوخ نقپو سکونی زنپانی دولپوش کن
نا مینگمو مید پی سترینگموے ان زیرے شیسپا بیاسے مینگ نا
جوان مینگمونگ نہ بونا ژھونگ ستورے کربوبلا ئینگ نو
درینگ عزت پو مین انصاف نالوق وخلا مدینینگ نا
مدینینگ لوقسے نا تھوننا ہلتوسی زینب خسونے تھونسید
ستورے مینگمو حسین ژوخپو مبیونگمہ ستروقپو یود رگوینگنا
