جوفل بید غدینگسے نا بار الہا!
یری شزدیکھا نومسے پادشاہا
رحم نا شزدے چن پروردگارا
نئی نسپونگ لہ بخشش بیوس خدایا
یری ریگزگویکھی یودنا کھورے غدینگپو
نا ان نسپینگ یلے یودکھن ژھے گنگپو
جوفل بید چوق پژے سنینی ژہڑانگپو
جوفل بید ہلژہمہ پیغمبر سغی فیا
یری رینگچن شہید چکتوی کھڑاغی فیا
حبیب حق نبی فیقپوے حغی فیا
زگغید نا فاطمہ زہرائی حق نا
نیما فیقلہ متھونگفی ہلژہمہ فیق نا
زگغید نا کھوے فیاغیکھا تھونفو سق نا
علی مشکل کشائی سپیوے ہرمکھی فیا
حسن تھیقپی اشی سبط نبی فیا
بدونوے بیو محشری جقپو نئی فیا
حسین رگیلفوے فیغی دومبونگ نہ نزگق
ابوالفضل علیؑ فرقپونگ نہ نزگق
فیسے آل رسولی غونگ نہ نزگق
جناب زینب و کلثومی غوے فیا
فیسے سا اکبر و اصغر نونوے فیا
نائی کھا جوق نظر سجادی نوے فیا
محمد باقری عزت نہ نزگق
جناب جعفری حرمت نہ نزگق
امام موسی بدونی حجت نہ نزگق
زگغید نا ہلژہمہ سبط مصطفی نا
غریب ابن غریب موسی رضا نا
رگنوینگ لوق چوک سوچک یودنا رےبیسنگ
جوفل بید رگوی ریسی حجت تقی فیا
مجاہد کن سترونی حضرت نقی فیا
یانی روخ بیوس جناب عسکری فیا
خدایا سترونگ ز آفات جہانی
نظرفوق چوکسینہ صاحب زمانی
حغی فیا نزگغید اکبر جوانی
خداوندا نئی ایمان ہرتن چوک
نونے صاحب زمان عالم لہ من چوک
کھوے میگی کھا شجاعی غدونگپو خلن چوک
نئی نسپونگ لہ بخشش بیوس خدایا
