جنت نا غوبین ماریہ شخس فاطمہ زہرا ؑچہلم لا حسینی
تھیاقپا بودے حورکون نا دریسے قبریکھا تھونسید چہلم لا حسینی
لے طیبونی طیب و طاہر ببا کھیونگمہ سونگ شہرمدینینگ
شوخزیر یاری تطہیر و مطہر میگی عود ژھوے چہلم لا حسینی
ینگ حورچہ چیگ شوخزیرے تونگ شیر خدانا میگی عود بو حسن لا
حورچیک لا حکم بیوس کھیدینا اونگ ہے نی شیعونگ چہلم لا حسینی
نور نظری قبریکھاغدونگپو خلنے نوید پا رگوے درنچی ملوس پا
غدنمید بیاسے ہفتاد و دو تن ستور فو خسمین چہ چہلم لا حسینی
دےمننا اپوچونا ببا کاچو حسنسا شخس گونگہرژونگ ساغی فشاقسے
سردفن مگوا تھون زیرے چہلم ساغی بید پا چہلم لا حسینی
پیغمبری سی چیک لا حکم بیاس کھیدینا اونگ مرسل نا نبیونگ چوق
ماتم بیاسے نا تعزیہ پرسہ نا ختم بیوس چہلم لا حسینی
دے مننا تھونے اہل حرم ژھنگمہ کھیدے نا نوین عابد بیمار
سرپو کھیرے شہدائی رگوبونگنہ دریسے تھوک چوکس چہلم لا حسینی
