یل آل رسولؐ کرب و بلائینگ نو مچوکپا شامپونی لغینگ نو
چاگیک پہ دینے مینگمو ببونگ غزیمفہ نہ سیکھا ماریہ تھانینگ نو
القصہ حرم کھیربی بروشہر دمشقینگ دربارلہ یزیدی
تھونگ میکلہ سوسوے مینگمو ببونگ بونگنی رگوبونگ کن کھڑاغی شفقینگ نو
گیودپہ لوسے گوید مینگمو یریکھا نومچوکفی داغ پو کھورے سنینگلا
یری مندوغی کھا لقپہ سکورین نویکپہ لے مینگمو یود بورے ہلچخینگ نو
بخشش بیوس ہے مینگمو یانی سترینگمو لا بیاتھب میدفاقتوبیاسے گیگپہ
بے غسل و کفن میگی تھونین گویدنیا شامینگ یانگ فانگسے تھانینگنو
سنید ژلنہ سکینہ سی نلا نی ببا گار شخس ہلتون زیرےغوبیاس نا
نا نوینچہ ہلتنوک عرشی پہ تھوسپی یری سر پو نیزونی پڑیانینگ نو
لاسونگ میگی عودکن ژھریکھا کوفنہ شامپی ظلمی دے خلونی کھا
نی مینگمو بلافون بیاسے ژھیک امتی مے کھا جوکفانہ کھاغینگ نو
یا جو ہے لے مینگمو کھیدے گوید یاری توژیونگ سق شورفونگ زدوسے زدمسے
بیمار گولا سترینگمونگ لزالا گوشولی تانگسے دشمنی لغینگ نو
نی رگالفی نسو مینگمو یری حقچہ مگوقپہ یانگ گیور نا خسونے لوس
ذاکر بیاسے نی لوسپی نسو غدونگ خلنے سیکھا نویک یاری حغینگ نو
