قتلگاہینگ حضرت زینب توژیونگ سقنہ دریسے
تھونمنہ تھونگ شاہ حسینی ؑ ہلژخمہ رگو گو نا فیسے
سق کھورے ریو راو بیاسے نوید پا امام سکیلا بورے
گرگو بینچہ سارلیدپہ حضرت زینب فیسے
بیاس جوفل غوبین اپوچو یری حسینؑ لا شامپونی
بیاس دینے خسمبینگ مچھود پےظلم کن سومید بیاسے
ہرژیکچہ زیرس مینگمو حسینی ؑ برانگپویکھا گو کلے
یانگ دینے لوکھہ چینگ تھونین حقپہ نیا شیو سینگ کسے
غدونگ زبسالے میگی عود مینگمو دیرینگ نا سترینگمولا
نا چہ غدیانگ نہ دوک خسونے یانگ ژوخچہ مینگموے نا بیسے
یانگ ستورے نی بوکھمو چھقسے درولبی حل مید پہ دوسے
شمر ملعونی ظلم کن سومبیاسپونگ بید ہلتہ سے
لے توژیونگ چکتوی اتی مل یری توژیونگ شامینگ کھیرید
غزیمسے شخفی وخچہ مید ہلتوسی نیالا میک فیسے
لے محب بخمید چہ گیگپہ یود نرے کھیانگ کربلا
شاہ حسین رگیلفوے دونوگیود مید بیاسے شیکپہ فڑاسے
