دومبا تھونمو سوی سا کھریم ان تھونسیدا اما دینے
تھونگفا مید دنیادیکھا زینب ؑ نا ژوخ دومبی انوے
گیوخسے تھون دومبو اپوچو نا زیزی فیاقپو گیورے
ژھن نا نین غوبین دوگید پا یابوگخسی زدوکھ کھورے
دیبی جوک لا میول لہ نونفی خچسپہ نا رینگچن ببا
فیاق بے وخلا ژھون تھونے گیور ملجمی بوی ظلمی کھا
خچسپہ مینگمو شاہ حسن ؑ لا فیاق لاجعدہ توک مینے
فرودمو چن خلوا چھنما لا سونگسے پو نا پو توک جنے
خچسپہ مینگمو شاہ حسینؑ لا کوفہ نا شامپی ہرمغی
بیاس دہ روب سکلا بورے در زمین کربلا
نی رگنوے نملانگسی سکارچین باقفو ژھو شا قاسمی
بخستونی فچس لا ہیڑی بیاس کوفہ نا شامپی ہرمغی
زینبی سپلبو نہ ژوخ دنیادی کھا سوی لامیدوک
مینگمو چوبگیاد پو گیورے شخسیددرینگ تھورپوکھ بیاسے
تا درینگ نیا کلبالا بسکیا سنانوے باقچی تھونید
یاجوہے یا خچسپہ مینگمو بسّا لا شامینگ کھرید
