از ظلم یزید آل علیؑ با ہمہ خواری کردند اسیری
با گردن و پای ہمہ را بستہ بہ زنجیر بر روح جبیری
تھون زینب خاتون نہ دریسے اہل حرم سق یزیدی کھرینگ نو
بیاس ہندہ سوال زینبی فیقپولا یدانگ سق ان گاری اسیری
زیرس ان نیا سو مینگمو ستورے سو ببا ستورے از شہر مدینہ
ژِھر ذاتی خبر تریسنہ بنی ہاشم مینگ بیونگ ان ذات نہ قبیلی
زیرس فاطمہ زہرائی بونو زینبی فیق پوے چنگ یودا خبر چہ
زینب لا سوسے مینگپو کوسے نا انوے مل ان نی مینگموے یتیمی
زیرس زینبی فیقپوے دی رگوبونگپوا دینے زگورچی میدپا نلا تھونگفہ
زیرس حضرت عباس علیؑ دومبہ ژھڑانگسی نی سکیتپہ خمیدی
زیرس زینبی فیقپوے دے ہرکلو ژھونژے نسویکھا سونگ چی فری کرفو
زیرس اکبری دومبہ بوگخی نی ہرکلو چیکتو از غم بہ سفیدی
بیاس ہندہ جوفول سپلبہ یری فیقپووی ہلتہ سونگ چی فری سنونپو
زیرس کوفہ نہ شامینگنو یلے یولیولی یول لا گرونگرونی رجیمی
سونگ سولہ مسونگفے نلا نی میک لہ ہلتنین چہ نی مینگمو حسینی ؑ
بیاس کھمچو ردین سکومسے شہید شمر سنانی نا نوینچہ بہ زاری
