ہائے ہائے ستورے بوالفضل علی زینب و سجاد فیونگس چینگسے ہرمغینگ نو
فیوخچیکلہ تھانینگ ہاشمی ستق ژوخپو جوان کن یود غزیمسے کھڑاغینگ نو
یود سوکپنہ عباس علی اکبر و قاسم چاگیک پہ دی لوکھ پو
زہرائی بونونگ سونگسے سومید کنگمہ نہ لقپو سونگ بوربہ ہلچغینگ نو
ربونگ سترقسے ربہ تھق کن چدے کوقس برقہ دخون کن جونگونگ لہ تھونی فیاق
ہرمق تھونگسے توژیونگ جیسکے بیرے ایبسے دوگیدپہ نینچونگنی فغینگ نو
شوریدپہ تھانینگ زدیکپہ توژیونگ رن رنی رنلہ جیکھ تراق کھیرے دروقسے
کھورید پہ زدمین زینبی سی مینگموے شگرگونگ بورسیدپہ لغینگ نو
کلس زینبی سی بیسکیہ سنانونیکھا دےسومید کن لوس لزینگنو دے رگیلمو
ترانگ خیونلا ہلتاسے قاؤ بیاسے زیرس مینگمو علمدار یانگ غزیمسا کھڑاغینگ نو
رگویکھا کھورے ہلچخ زینبی میک کنلہ متھونگفونگ تھونگس کرب و بلائینگ
بے غسل و کفن مینگمو نا بونگ ژھونی رگوبونگ کن غدن مید پہ کھڑاغینگ نو
ہائے ہائے ستورے مینگمونگنہ بوچونگ زینب علیا سکورس کوفہ نہ شامینگ
کھیانگ نوس لے فدا کھریلفو خسمین عابد بیمار دشمنی ہرمغینگ نو
