مالک ملک ولایت حیدری فروفرونگ یلے
تھونمنا شہر دمشقینگ بسکیا سنانونیکھا کلے
لجقسپہ چیک لا چینگسے سق حبل المتینی ژھوژہمونگ
بجوسے فڑیانگ چیکلا بی بیونگ زہرائی گوہر کن فسلے
مجلس عامینگ نو کھایونگ زیربی حکم کن تھونمنا
ژہرمونی غدونگ رنگ فسورید پا ژھونژیونی تنگ تنگ بگیالے
یا علی ؑ نا گوید یزیدی مجلسینگ نو زینبا
بیاس جوفول لوقسے نجف لا رینگچن ببی رخصت ژالے
تھونمنا ناموس حیدر کرسی نشین بجگبی دونوک
سونگسے نا بے اختیار چوق سیکھا شخس جینگمہ سنیالے
سر پو بیونگ خسیری پریکوینگنا شرفہ ژوخ سونگسے نیما
زینبی سکت پو کوسے چونگ تھون اینا خسمسے بگیالے
ہسکے امت ژھیک پو پا یانگ کھریلنہ تھیوق لے نی انو
یود یری مینگمو حسینی ؑ تھیوق زیرے یانگ لہ سکالے
