اسلامی کھری غبسوس پو کھیورے فوقپنہ سیکھا تقدیری سی چقسے
ایمانی کھرینگ کھریلنہ حیا مید پی دے ہرمقپو جوکس پردہ سی چقسے
اسباب لہ ہیڑی بیاسپی کھا رگوے پردہ مجاقپہ کھریفو سہ مژھدپا
مخصوص شمر جوکسے گولہ آل علیؑ ربو فانگس مے ختدے ستراقسے
ربونگنی نگنا شورے گوید پا بیونین دروقسینا ژهونژیونگ نوین رگیابلا غوبین هلتین
اخ مید پی دے کافر کونی لزا سونگسے کھیونید پا برقونگ فودے کوقسے
ہلتوس کوفه پی کھوق شخپولاگافوربی بیابوی سا نوم چوکسینه چھویکھا
ژهن خسوم نیما سخوم آل نبی کربوبلائینگ جسق چھوچدے زگقسے
پردینگنو ژهیگانگ جقسےخسوسے سترلفی دے رگیلمونگ شامپی هرمغی سکیلا
گوستونگپو کھیرلےهلژانگسے نا تیانگچوکس کھونیکھا تهورسق برفیسے جقسے
مظلوم کنی جوکسے گولا سیدسجادؑ کانگرزین پو درولین نوین
ظالم کنی هرتونگنی کها جونے گویدپا رگودینچی عید لیگینا ترقسے
سترانگ سترونگپو درولین گومبا کھریسین عابدبیمار تهونمانا قتل گاه
تهونگ خچسپا ببا غزیمسے کهراغینگ تیتا نونوینا سکیغبیل بیاسے ربقسے
زیرس قوبیاسے نوین خچسپا ببا شامپی ظلم پوا لنگسے هلتوسی هلقچی
کھیریدنا یلے شامی یولینگ هلچخ بورے غجینگما نری ندپویکها هرژقسے
