شہدائی ژھری مندوغی کھہ ژھن نیمہ نوینچہ بلبل بیاسے زینب ؑ
تھونگمنہ غوبین مینگمو نہ ژہونگ غزیمسے کھراغینگنو سکیاغبیل بیاسے زینب ؑ
فیونگس ربینگنہ بجوسے تسبیح نہ ژوخ آل رسولؐ کن ہلچخ چیک بیاسے زینب ؑ
مینگموے میگی عود عابد بیمار گولہ بیونگمہ تھونگ غل بجوسے زینب ؑ
طہ ئی ژھنونگلہ ہلچخ بورے غوبین تھونمنہ قتل گاہ
گبس مینگموے دہ مانگ تھونفی رگوبونگپویکھہ پریشان سنبل بیاسے زینب ؑ
عالم لا نونے یودپی دے مینگمو جمادپو غزیمفہ نہ قتل گاہ
ہلتوس برقہ دخون مید پہ کھرید گو تھورو تانگسے کھیرلین زگوسے زینب ؑ
راکب براقی میگی عود پو تھانی سکلہ غدنمید بیاسے فانگسے
مینگموے نعشی کنڈیری تھونگ شامپی رگوچن ہرتونگ درل درل بیاسے زینب ؑ
تھونمی برو شامینگنو یلے آل رسولؐ کن ہرمق ہلتنمولہ زدمسے
کھریلبی فیلہ کھیرس شمر شقی بازار نہ بازار کل کل بیاسے زینب ؑ
مینگموے فیاغی سرپو شرے نیزیکنہ قرآن ژوخ چہ میگی تھونگسے
سرپو کھیرے محمل لا تیانیدنا کھراغی یوربہ چون گل بیاسے زینب ؑ
