فونونگنہ بوژہونگ فیوخنہ فڑیونگ سق لدنے چھم سے فچس تانگسے نہ رگویکھا
بیونگس ربینگنہ فرول خچسپہ حسینؑ چیکچی ژہرینچہ فیقپو جونے ہرتے کھا
سو نوید پہ زیرین یا ابتا سوسی نی آقا سونوین زیرین اخا
سوسی رنیا لا سوسی کھمورلا کھریلے غوبین سو غدونگ خلنے سے کھا
یونگ چیکتو لا سنینگ فتول بیاسے زینب ؑ انوے لقتو بورے شاخسینہ تھنگلا
ترانگ خیون پو نا رگیب دونلہ ہلتسے سو چیکسہ متھوبا تھون کھنچہ سوغویکھا
غدونگپو مدینی فیوخلہ بیاسے خچسپہ خوجاسی جوا فولس اپوچولا
گا تھونفو لا ہلتا شوخسی لغور کرب و بلائینگ خچسپہ یری ژھویکھا
نی فرقپہ نشانی اشی نا نی خشولی انپو عباس علیؑ انپا
چھو کھیونگملہ شخسینہ شہید بیاسے مجقپہ فرقپونگ کھوری رگوے کھا
نی سنیگنی ژھرینگ ژھرفی گلاب پو یری صورت یود پی علی اکبر ؑ
کھو سونگسے شہید تا نہ خسونے دوکپہ سہ چی خشانی رگسپی نسویکھا
نی دونژھری مندوغی کھبونی علی اصغر شومسے چھو متھوبا
ناس چھو ژالے کھیربانا کھو فانگمینگ نو شہید بیاس ظالم کنی دیکھا
