لے سنینگ حسینی ؑ کھوقکھولی مینگ کھیانگ مجو اینا
لے ستروق دی ظلم کن کوسینا کھیانگ میشو اینا
لے میک چھیمی سکینی جوسے کھیانگ سا میجو چہ کھریل
لے ہرژیک دی خنم بدوینگنہ رگلے کھیانگ میگو اینا
لے کوفہ پونگ رسولی بوژھونگ کھیونگسے نا بوسے
گرونپو سنینگی کباب پو نہ میگی چھیمو اینا
سبط نبی شہید بیاسے تھد چوکپہ بیاس یزید
لے خنم کھیری عدل پو نا کھوق شخپو یو اینا
ہائے ہائے لعین چہ کھوانگ خسری تخسی کھا دوگسے نا
جینگمونگ رسولی ژھو ژھامونی ہلچخسی زو اینا
کھیونگس ہرتیکھا جونے شیر خدائی دے ندپہ ژہو
ژھوق تھانگ کنی کھا ہلچخ کھورے کانگرزیس پو رزیو اینا
قاسم ؑ لا سکت زیرید پا زیزی ہلتین چی گیب لہ نا
فانگسے سونا سومید نہ درینگ ہائے لے بو اینا
عباس ؑ لہ ہرژیک زیرید پہ سکینہ ملوقپہ نا
کلس یانی چھوی سکینی فیلہ سنینگپو یکھا میو اینا
گومید پی رگو کھڑاغینگ ریلے زینب ؑ لہ تھونگسے نا
فوق سیکھا دروقسے قوبیاسے نی مینگمو یو اینا
غو بید فراتی چہوربووسی ہلچے کھایو زیرین
ہائے ہائے حسینؑ گیورے ردین نی دونوک اینا
نوید برقسہ بجقسے ہلتوس کھیانی لمّا یشقّق
ذاکر نتی دی سنینگ کونی مبجقپی سترو اینا
