سونگ مدینگ غوبرو سید سجاد ستورے
اہلبیت کن دمسے نوید پہ نعشی کھا لقپہ سکورے
غے امامی نوہرژیگینگ نو زیرس لے نی مظلوم ببا
دومبہ نرفینگنو ژھیگنگ پو لوسپی نی مظلوم ببا
ریسچیگی فونونگ ببونگ ستورفی کھا ہرژقسے دشمنی
غل نا زنجیر جینگمالا بجوسپی نی مظلوم ببا
تبی ژھد نا ربے مے حقفو دومبنہ نرفونگ تھونے
گنگمی لزوت ژوخ رگو ہلال ژوخ جوسپی نی مظلوم ببا
نینچو زینب ہلژانگمہ نا کرسی نشین بجبگے دونو
فرودمو چن سر پو کھیریلے زگوسپی نی مظلوم ببا
گرخمو چھوی تھونگنہ ببا سکومفو نا اصغری دے کھا
سونگفو خسمسے غوبرو بین نوسپی نی مظلوم ببا
نوجوان چی تھونگ نرے اکبرنا عباسی ایتو
اونگسے سنینگلا زدوگی میو فوسفی نی مظلوم ببا
بخستونی مجلس چی تھونگنہ تا زہ داماد حسینؑ
ستور فو خسمسے سنینگلہ داغ پولوسپی نی مظلوم ببا
