حدیثینگ یودپنا زومسے چہوسی گل چہو چدے شومسے
سکینہ تھونگمنہ سکومسے چہو کھیونگمہ شخس اکو عباس ؑ
چہوسی سقا چہولا شخسے چھوزور کھہ تھونے ہرمق چقسے
خلدے سکومفو ایشن ترقسے چوسینا بجسپہ چھو عباسؑ
ایتو اونگسے ککی سکومفو گل زہرا یولے شومفو
سکینہ سکومسے کھیانگ نومفو پتے رگیل سکومسے شو عباسؑ
زیرینا چھو فوسے تنگسے مشک پو چھو چوسے سکانگسے
لمینگ نو رگونگنی رگیانگ تنگسے ربارولا گوے بروک عباسؑ
دہ روب بیاس ستونگ بجی ہرمق روبسے فیسے فیق لق علم لوقسے
کسل بیونگ سنینگپولا دوقسے دہ فوقسے بوانہ چھو عباسؑ
چھو تھونگمولوس تہ محشر لا متھوب چھو تھونگمہ اصغر لا
شی نا گیود مید پہ اصغر لا تھونے چھومید چوچو عباسؑ
سکینی غدونگلہ گوے غدونگ مید تھنوبے رگویکھا فرقپو مید
چھو کھیونگمہ گیگپہ لم تھونگ مید غزمیک لا زوگسے دو عباسؑ
ابوالحسنین ببی فودپو نجف لا استنینگ بزودپو
تھونین بو رگے ہرمغینگ جقپو مجوق ہے فانگسے بو عباسؑ
