اسلامی نشان لوقسے تھانینگ غزیمفہ نا عباس ؑ
زیرس شیوخسی خوجا منگمو ژھیرید لینما لا عباس ؑ
چقس فونو علیؑ سکیدپا حسینی ؑ یری سکت پوس
شخس سید شہدا سی زیرین کھیونگمہ لا عباس ؑ
نوس غزیمسے کھڑغینگ تھونگمہ نا چھانگ ہرکیل پو نا فڑقپونگ
فیوخچیک لہ بودے چھوسی نشان فیوخچی لاعباس ؑ
سرپو لینے مظلومی غوبین ہرژیگینگ کسل بیونگس
یافونو زیرن میک فیسے ہلتوس تا نلا عباس ؑ
بخشش لے خوجا حال نلا مید یانگلا بے تعظیم
نی میک فیسے ہلتون غدونگ نلا یے گیگ تا نا عباس ؑ
نی ستروق یودی من یانی مکھیر غدونگ لہ سکینی
گومنگمو کھڑیلید ستونگمہ بوسے چھو سہ لا عباس ؑ
عرشی لہ غو سونگ تھونگفی کھہ حالت پو حسینی ؑ
شخ وخلہ کُھورے چھوسی نشان سکیورینا عباس ؑ
گار یود پہ خیال یلبی درونگ آل علیؑ لا
زینب ؑ لہ یقین سونگ یلے گو گیوربنا عباس ؑ
