کھیونگس تھنگلہ نا ربے رولہ امامی کھورے قاسم ؑ
قرآن چی نا ژوخ برانگپو لا زدمسے کھورے قاسم ؑ
تھونگفی بانی کھابرانگپولہ زدمسے نا کسل بیونگ
کھڑاغی سہرا درینگ رگویکھا کھورے لے انوے قاسم ؑ
نانوید یری جوک خسمسے انو یانگ دنوک جقسے
سُو گیگ انوے مندوق پو کھورے لے انوے قاسم ؑ
ازرقنہ تھانینگ رگدپنہ یانگ انو ربینگ نو مژھوکفا
کھیانگ گوانہ ببی خط پو کھورے لے انوے قاسم ؑ
نا خسوسے سترالے تا انوخسوے وخلا شورید یانگ
رگس وخلا انو فنگسے سکیورے لے انوے قاسم ؑ
ہائے ہائے لے انوے تازہ جوان کھیانگ ستورے نا نا لوسپو
بخ ژہیکسے انو لزینگنو لوسے لے انوے قاسم ؑ
غدینگ چھود نلا گوید نوبسے نیمہ ماریہ تھنگ لا
ذاکر بیاسے نوے غدینگمہ کھورے لے انوے قاسم ؑ
