شاہ قاسمی غدونگ ستانما زیزی لا کھیونگسے امامی تھانگنہ کلے ہرتے کھا
فیونگس ربینگنہ فرول کھوے زیزی لا ترنگ خیونلہ می جوگسے تھوکپہ بونا زگویکھا
زیرس قوبیاسے نوین تھونگسے کھڑاغینگ بانگفی رگوبونگپو انو سکوری لے بو
امو گالتے گوتا یانگ ژالے درویش بیاسے نوین سو گوے کھا بورے لے بو
اے امونگ کھوتی بونگنی رگونے بخستونی جق لا تھدین چی ژھے سکانگنوک
نانوید یاری بخستون پو خسمین ژہن نما غوبین دوگ پو تورے لے بو
ہاے لے انوے قاسم ؑ نلا ٹھوب سونگسے دنیاد پو میک لم لہ تھونید ژھن
سے اوقلا درینگ غزیمسے یری لیخموے نما ژوخ غدونگپو ستورے لے بو
سونگ سولہ مسونگفے نالا بوی بخستونی جق لہ شس تون بیاسے نوا سونگ
گاسولہ مسونگفے یاری بخچس پو کفن سونگ رگوےکھا گونی لے بو
ژھیو چوق علی اکبر ؑ پاژے ینگ خچسپنہ رینگچن بیاسے خسوسے سترلینا
ہرژن چوکسے درینگ شویری مظلوم ببی کھا ستروقپو سکورے لے بو
