علی اکبر شہید سونگسے امامی کھیونگمہ نا ربزگوا
ژھرین بیونگ کھوے زیزی ربیانگ نا غوبین چی شخص بوچوے سنیازگوا
زیرید پا بلبلی بزویکھا نا یانگ لا ہرژیک زیروک لے بو
یری مندوغی کھا گیودمید بیاسے لقپا سکورک لے بو
امونگنی بو سترالید رگسپاشی توہ خسونتوہ کھورک خسمسے
چی سونگ خسمبیانگ میشوڈ پے نا پا دون لا یانگ شورید لے بو
بوا لا بگیدپا بید غزیمسے مشوخ لے غیرتی بیونگ سا
زدیپا تونگ زیرے کوے رسنا باوی غدونگ رنگ فسورید لے بو
دی لوکھ پو تھونگمہ یود سوکنا چی گیگ پا ہائے امو جرنا
مشیسپو یانگ پاژے دون لا امو گیودپینگ ستورید لے بو
یری بلتھود کھڑاغینگ زبانگ فو شی نا نی روسپا لا میبجید
یودی من پو نا گیودپی سو چوسے گوے کھا بروک لے بو
